Otto; or, Up with Dead People

Berlin ətrafındakı kimsəsiz yolda peyda olan gənc zombi Otto haradan gəldiyini və hara getdiyini xatırlamır. Şəhərə doğru addımlayan gənc burada iki müstəqil layihə üzərində çalışan andeqraund rejissoru Medeya Yarn ilə rastlaşır. Qeyri-adi görkəmi ilə rejissorun diqqətini çəkən Otto onun kino çəkilişlərində iştirak etmək təklifini qəbul edir.

Bu ərəfədə Otto təsadüfən özünə aid köhnə bir qeyd dəftəri tapır. Dəftərdəki qeydlər onun dirilməzdən əvvəlki adi insan ömründən xəbər verir. Beləliklə, gənc zombi ölümündən əvvəl baş verən hadisələri və keçmiş sevgilisi ilə olan münasibətlərini tədricən xatırlamağa başlayır.

«Otto; or, Up with Dead People» filmi dram, komediya, fentezi və qorxu janrlarını bir araya gətirir. 2008-ci ildə Kanada və Almaniya birgə istehsalı kimi təqdim edilən ekran işinə Bryus La Bryus rejissorluq edib. Əsas rolları Kembra Pfahler, Stefan Kuschner, Valentin Plessy və Kristof Şmen canlandırıb.