Dating the Enemy

Gənclər üçün musiqi proqramının aparıcısı Brett və elmi mövzulardan yazan jurnalist Teş sevgililər günündə tanış olurlar. Zarafatcıl və qayğısız oğlan ilə ciddi xasiyyətli qız bir-birindən tamamilə fərqlənsə də, aralarında sevgi yaranır. İki ildən sonra Brettin şöhrətpərəstliyi münasibətləri gərginləşdirir və bezən Teş sevgilisinin onun yerində olmasını arzulayır.

Səhəri gün hər ikisi bədənlərini dəyişmiş vəziyyətdə oyanır. Teş Brettin simasını, mənzilini, televiziya işini və qızların ona olan rəğbətini əldə edir. Qadın cildinə düşən Brett isə vəziyyəti əvvəlki halına qaytarmaq üçün yollar axtarmağa başlayır.

Fantaziya elementləri olan «Dating the Enemy» romantik komediyasını rejissor Miqan Simpson Hubermen ərsəyə gətirib. 1996-cı il Avstraliya istehsalı olan bu filmdə baş rolları Skott Lou, Heydi Lapayn, Kristofer Morsli və Maykl Dankan canlandırıblar.