Vikaren

Altıncı sinif şagirdlərinin qarşısına yeni müəllimə çıxır və uşaqları Parisdə keçiriləcək beynəlxalq yarışmaya hazırlamaq istədiyini bildirir. Lakin bu qadının davranışları ilk dəqiqələrdən məktəblilərdə şübhə doğurur.

Yeni müəllimənin fikirləri oxumaq kimi qəribə bacarığı var, amma böyüklər onun qeyri-adiliyini görmürlər. Valideynləri öz mükəmməlliyinə tam inandırmağı bacaran bu qadının əslində yadplanetli olduğunu uşaqlar dərhal anlayırlar.

2007-ci ildə Danimarkada çəkilən «Vikaren» bədii filminin rejissoru Ole Bornedaldır. Fantastika, komediya və qorxu elementlərini birləşdirən ekran əsərində baş rolları Emma Juel Justesen, Jakob Fals Nygaard, Jonas Wandschneider və Ulf Pilgaard canlandırıblar.