Qar adamı 2: Qisas

İki tədqiqatçı təhlükəli qatilin qəbrini qazaraq onun qalıqlarının saxlandığı qabları tapır. Həmin maddəni laboratoriyadakı akvariuma tökən alimlər qaniçən qardan adamın sirrini anlamaq üçün sınaqlar aparırlar. Lakin təmizləyicinin səhvi ucbatından akvariuma qəhvə dağılır və bu təsadüf Cek Frostun yenidən dirilməsinə gətirib çıxarır. Keçmiş düşmənlərindən qisas almaq qərarına gələn canavar dərhal yola düşür.

Onu vaxtilə məhv etmiş insanlar isə həmin vaxt Karib dənizindəki tropik adada dincəlirlər. Bu dəfə mutasiyaya uğrayan Cek yüksək temperatura dözümlüdür, antifrizdən çəkinmir və toxunduğu hər şeyi anında dondurmağı bacarır. Geniş okeanı üzüb adaya çatan qar canavarı dincələnlər arasında yeni qətllər törətməyə başlayır.

«Qar adamı 2: Qisas» komediya və qorxu filmi 2000-ci ildə ABŞ-da rejissor Maykl Kuni tərəfindən çəkilib. Filmin əsas obrazlarını Qreynder Qrin, Vanessa Marşall, Tereza Pink və Toni Masa canlandırıb.