Unudulma qumları

Fironun tanrıları qəzəbləndirməsi nəticəsində Qədim Misir torpaqlarına səhra demonları göndərilir. Xalqı və hökmdarı bu bəladan qurtarmaq istəyən kahinlər gizli ayin icra edərək insan qurbanı verir və qumların dərinliyində müqəddəs bir talisman basdırırlar. Yeraltı dünyanın hamisi olan Anubis bu qurbanı qəbul edərək şər qüvvələri sakitləşdirir və ölkəyə dinclik gətirir.

Min illər sonra arxeoloqlar qazıntılar zamanı həmin qədim talismanı aşkar edirlər. Qaranlıq qüvvələr üzərindəki mütləq hakimiyyət rəmzini geri qaytarmaq istəyən Anubis yenidən insanların dünyasında peyda olur.

ABŞ istehsalı olan «Sands of Oblivion» filmi 2007-ci ildə nümayiş etdirilib. Macəra və fentezi janrındakı ekran əsərinin rejissoru Devid Floresdir, əsas rolları isə A.C. Presli, Cek Samson, Encel Prinses və Alan Kemper Armani ifa ediblər.