Qış dərisi

Ayağından güllə yarası alan Billi qarla örtülmüş meşənin ortasında təkbaşına qalır. Çətin vəziyyətdə olan gənc təsadüfən Agnes adlı qəribə bir qocanın tənha komasına sığınacaq tapır. Qadın onu içəri buraxır və yaralanmış gəncin sağalmasına kömək edir.

Billi bir qədər özünə gəlib oradan uzaqlaşmaq istədikdə çölə çıxmağın mümkünsüz olduğunu görür. Daxmanın ətrafında bədənində dərisi olmayan qorxunc bir bədheybət dolaşır. Vəhşi varlıq içəri girməyə çalışaraq komada olanların yolunu tamamilə kəsir.

Böyük Britaniya istehsalı olan «Qış dərisi» (Winterskin) filmi 2018-ci ildə nümayiş olunub. Bu qorxu filminin rejissoru Çarli Stidsdir, baş rollarda isə Rouena Bentli, Con Lomas, Barrinqton De La Roş və Piter Kosqrov çəkiliblər.