Əjdahalar Zindanı 2: Qüdrət Mənbəyi

Qara qasırğaya çevrilən qəddar sehrbaz Damodar böyük güc qaynağı sayılan sirli Qara sferanı ələ keçirir. Dünyaya hökmranlıq etmək istəyən cadugər bu qüvvəni İzmir krallığına qarşı yönəldir. O, ölkəni məhv etmək məqsədilə əjdahalardan, qanadlı qarpilərdən və müxtəlif bədheybətlərdən ibarət nəhəng bir ordu toplayır.

İzmirin məhv olmasının qarşısını almaq üçün şöhrətli döyüşçü Berek və sehrbaz Melora mübarizəyə atılır. Onlara Ağıl, Müdriklik, Şərəf və Gücü təcəssüm etdirən dörd qəhrəman qoşulur. Dəstə Damodarın əlindən tilsimli sferanı almalı və səltənəti külə döndərə biləcək Qara əjdahanın əsrlik yuxudan oyanmasına mane olmalıdır.

«Əjdahalar Zindanı 2: Qüdrət Mənbəyi» filmi 2005-ci ildə ABŞ, Böyük Britaniya və Almaniyanın birgə istehsalı ilə çəkilib. Fantaziya janrındakı bu macəra lentinin rejissor kürsüsündə Cerri Layvli əyləşib.