Ada

Ticarət gəmisi qəzaya uğradıqdan sonra sağ qalmağı bacaran üç dənizçi dumanlı və kimsəsiz bir adanın sahilinə çıxır. Burada qonaqları dörd yerli sakin qarşılayır. Onlar gələnlərə qarşı mehriban davranaraq buradan xilas olmağa kömək edəcəklərini bildirirlər.

Lakin bu tənha məkanın sakinləri heç də göründüyü kimi səmimi deyillər. Onların gizlətdiyi qorxunc sirr xəyali sirena haqqındakı qədim əfsanə ilə sıx bağlıdır. Xilas olduqlarını düşünən dənizçilər tezliklə müəmmalı hadisələrlə üz-üzə qalırlar.

Böyük Britaniya istehsalı olan «The Isle» filmi 2018-ci ildə rejissor Metyu Batler-Hart tərəfindən çəkilib. Baş rollarda Aliks Vilton Riqan, Dikon Tirrell, Qrem Batler və Ben Li çıxış edir.