Dairə

İsveçin kiçik bir şəhərciyində yerli məktəblilər adi qayğılarla yaşayır. Yeniyetmələr valideynləri ilə münasibətləri aydınlaşdırır, dostları ilə mübahisə edir və yeni dərs ilinə başlamağa hazırlaşırlar. Lakin təhsil ocağının tualetində bir yeniyetmənin meyitinin tapılması və səmada qanlı-qırmızı ayın görünməsi hər şeyi alt-üst edir.

Bu hadisədən sonra şəhər xeyir və şər qüvvələrin toqquşma meydanına çevrilir. Qlobal miqyaslı bu mübarizənin nəticəsi isə bir neçə seçilmiş gəncin atacağı addımlardan asılı olur. Onlar qarşıdurmanın episentrində qalaraq üzərilərinə düşən taleyüklü missiyanı yerinə yetirməlidirlər.

«Cirkeln» adlı fantastik triller filmi 2015-ci ildə rejissor Levan Akin tərəfindən İsveçdə çəkilib. Ekran əsərinin əsas rollarında Kristofer Vagelin, Rut Veqa Fernandes, Sebastyan Hiort af Ornas və Mina Azaryan çıxış edirlər.