Ölü istedadlar cəmiyyəti

O biri dünyada ruhların varlığı insanları nə dərəcədə qorxuda bilmələrindən asılıdır. Əsas mükafat uğrunda mübarizə köhnə oteldə məskən salmış təcrübəli Ketrin ilə lənətlənmiş videoçarx hazırlayan onun keçmiş yetirməsi Cessika arasında gedir.

Bu ərəfədə yenicə dünyasını dəyişmiş adi bir qız qohumlarının onun sənədini səhvən atdığını öyrənir. Tamamilə yox olmamaq üçün onun cəmi otuz günü var və bu müddətdə öz şəhər əfsanəsini yaratmalıdır. Lakin bu işdə heç bir bacarığı olmayan gənc ruh üçün insanları vahiməyə salmaq olduqca çətindir.

Tayvan istehsalı olan «Ölü istedadlar cəmiyyəti» fantastik komediya filminin rejissoru Con Süydür. 2024-cü ildə təqdim edilən ekran əsərində baş rolları Nina Ye, Tiffani Anais Lin, Yan Joya və LunLun canlandırıb.