Quruda su pərisi

Balıqçılar toruna düşən sirli dəniz məxluqunun quyruğu kəsilir, lakin onun yerində qəfildən insan ayaqları peyda olur. Psixiatriya xəstəxanasının rəhbəri doktor Bayer bu qeyri-adi varlığı tədqiqat aparmaq məqsədilə öz müəssisəsinə aparır.

«Mermaid Down» filmində danışa və yeriyə bilməyən bu məxluq çıxılmaz vəziyyətə düşür. Klinikanın divarları arasında dolaşan Reyna adlı ruh bədbəxt qıza acıyır. Beləliklə, xəstəxanadakı xəyalət köməksiz qalmış qəhrəmana hər vəchlə dəstək olmağa çalışır.

ABŞ istehsalı olan qorxu və fentezi filmini 2019-cu ildə rejissor Ceffri Qrellman ərsəyə gətirib. Əsas rolları Fillip Andre Botelo, Kerolayn Bemford, Meqan Tereza Rippi və Kerolayn Danauey canlandırıb.