Oğrular şahzadəsi

Robin Hud atasının qətlə yetirilməsinə şahid olduqdan sonra Şervud meşəsinə sığınıb və artıq iyirmi ildir burada yaşayır. Bu illər ərzində o, öz ətrafında güclü və getdikcə böyüyən tərəfdar dəstəsi toplayıb. Lakin Nottingem şerifi meşədə gizlənən bu quldurları məhv etmək üçün amansız plan hazırlayır.

Şerif düşmənlərinin üzərinə gecələr Alina adlı qız cildinə girən qorxunc bir məxluq göndərir. Robin canavar yenidən oyanmadan və meşədəkiləri, eləcə də onun sevgilisi ledi Merianı qətlə yetirmədən əvvəl Alinanı xilas etməyin yolunu tapmalıdır.

Kanada istehsalı olan «Oğrular şahzadəsi» (Beyond Sherwood Forest) macəra və fentezi filmi 2009-cu ildə işıq üzü görüb. Ekran əsərinin rejissoru Piter DeLuisdir, əsas rolları isə Kaynan Vib, Culian Sends, Lauro Çartrend və Robert Lourenson canlandırıb.