Bədheybətlər zamanı

Orta əsr döyüşçüsü qaranlıq və sıx meşədə tənha bir həyat sürür. Onun varlığını idarə edən yeganə niyyət yeganə qızının həyatına son qoymuş ölümcül məxluqdan intiqam almaqdır.

Yaxınlıqda peyda olan yırtıcılar barədə hökmdardan xəbər alan ovçu dərhal yola düşür. O, təhlükəli bədheybətlərin başını kəsməyə gedərkən hər dəfə qatillə üz-üzə gələcəyinə ümid bəsləyir. Növbəti çağırış onun axtardığı qisas anına çevrilə bilər.

«The Head Hunter» adlı qorxu və fentezi filmi rejissor Cordan Dauni tərəfindən çəkilib. 2018-ci il istehsalı olan ABŞ ekran əsərində baş rolları Kristofer Ray, Aiwa Riketts və Kora Kaufman canlandırıb.