Milad qorxu hekayələri

Qış tətili ərəfəsində kiçik bir şəhərdə bir-biri ilə kəsişən qorxulu hadisələr baş qaldırır. Məktəblilər bayram qabağı baş vermiş müəmmalı cinayətin izinə düşərək araşdırma aparmağa çalışırlar. Eyni vaxtda digər bir ailə yolkadan ötrü meşəyə getdikdən sonra kiçik oğullarının qəribə və təhlükəli davranışlar sərgiləməyə başladığını görür.

Başqa bir ailə isə Milad demonu olan qəddar Krampusun hədəfinə çevrilir və ondan xilas olmağa çalışır. Həmin anlarda Şimal qütbündə Santa qəfil zombiyə çevrilmiş köməkçi elflərin amansız hücumunu dəf etmək məcburiyyətində qalır. Bir-biri ilə bağlı olan bu hadisələr qarlı gecədə gözlənilməz faciələrə yol açır.

«A Christmas Horror Story» filmi 2015-ci ildə Kanadada istehsal olunub, fentezi, detektiv və qorxu janrlarını birləşdirir. Ekran əsərinin rejissorluğunu Brett Sallivan və Qrant Harvi həyata keçirib. Baş rollarda Ceff Klark, Qlen Qaston, A.S. Peterson və Conni Keyns çəkiliblər.