L'uomo senza gravità

Balaca şəhər xəstəxanasında gecə saatlarında dünyaya gələn Oskar adlı körpə hamıdan fərqlənir. Cazibə qanunları ona təsir etmir və uşaq sərbəst şəkildə havada qalır. Ondan ötrü narahat olan anası və nənəsi bu xüsusiyyəti gizlətməyə qərar verir və körpəni kənar gözlərdən uzaqda böyütməyə başlayırlar.

İllər keçdikcə qapalı mühitdə yaşayan qəhrəman böyüyür və vəziyyəti ilə barışmaqda çətinlik çəkir. Nəhayət, «L'uomo senza gravità» filminin personajı sirr içində yaşamaqdan yorulur və qeyri-adi bacarığını bütün dünyaya göstərmək üçün addım atır.

Fentezi, dram və komediya janrlarını birləşdirən ekran əsərinin rejissoru Marko Bonfantidir. İtaliya və Belçika istehsalı olan layihə 2019-cu ildə işıq üzü görüb. Baş rollarda Françesko Prokopio, Salvio Simeoli, Manuela Parodi və Vinsent Skarito çəkiliblər.