L'un dans l'autre

Pyer ilə Emi və Erik ilə Penelopa uzun illərdir ailəvi dostluq edirlər. Gözlənilmədən Pyer və Penelopa arasında gizli eşq macərası başlayır. Çıxılmaz vəziyyətə düşdüklərini anlayan aşiqlər münasibətləri birdəfəlik bitirmək qərarına gəlirlər və sonuncu dəfə görüşürlər.

Lakin son gecənin səhəri hər şeyi alt-üst edir: qəhrəmanlar bir-birinin bədənində oyanırlar. İndi onlar baş vermiş bu sirri həyat yoldaşlarından gizlətməli və yaranmış qarmaqarışıqlıqdan birtəhər çıxış yolu tapmalıdırlar.

2017-ci ildə Fransa və Belçika birgə istehsalı olan bu fantastik komediya filminin rejissoru Brüno Şişdir. Əsas rolları Stefan De Qrodt, Lüdivin de Şasne, Jan-Pol Müel və Bertran Kombe canlandırıblar.