Gabriel

Cənnət ilə cəhənnəm arasında qalan Əraf qaranlığa qərq olub. Yenidən doğulan ruhlar uğrunda burada əsrlərdir qızğın döyüşlər gedir. İtirilmiş işığı bərpa etmək və qaranlığın hökmranlığına son qoymaq məqsədilə göylər öz elçisi olan baş mələk Cəbrayılı həmin məkana göndərir.

Cəbrayıl bu dünyaya insan cildində enmək məcburiyyətində qalır. Qovulmuş mələklərlə həlledici döyüş ərəfəsində o, özündə baş qaldıran insani duyğular və daxili çətinliklərlə üzləşir. Zülmətin hökm sürdüyü bu məkanda yeganə ümid olan mələk üçün vəzifəsini tamamlamaq çətin sınağa çevrilir.

Avstraliya istehsalı olan «Gabriel» filmi 2007-ci ildə rejissor Şeyn Ebbess tərəfindən çəkilib. Fantastika, triller və döyüş janrlarını birləşdirən ekran əsərində baş rolları Ember Qokken, Cek Kempbell, Brendan Klirkin və Ez Cekson canlandırır.