Mənim dayəm vampirdir

Utancaq və çəkingən yeniyetmə İtan Morqanın valideynləri bir neçə günlüyə evdən gedirlər. Onlar oğullarına və balaca qızı Ceynə nəzarət etmək üçün yeni dayə çağırırlar. Tezliklə aydın olur ki, uşaqlara baxmağa gələn bu qız əsl vampirdir.

İtan öz qorxaqlığını kənara qoymağa məcbur qalır. O, bacısını, ən yaxın dostunu və bütöv bir şəhəri gözlənilməz təhlükədən qorumaq üçün hərəkətə keçir.

«My Babysitter's a Vampire» adlı Kanada istehsalı olan qorxu və komediya filmi 2010-cu ildə işıq üzü görüb. Ekran əsərinin rejissoru Brüus MakDonald, əsas rolların ifaçıları isə Neytan Stefenson, C.C. Qallo, Keyt Todd və Kessi Stildir.