Kölgələr kitabı

«Maléfique» adlı Fransa qorxu filmi eyni kameranı bölüşən dörd məhbusun başına gələnlərdən bəhs edir. Dəmir barmaqlıqlar arxasında dələduzluqda təqsirləndirilən şirkət rəhbəri Karrer, cinsiyyətini dəyişmək istəyən Markus, əqli zəifliyi olan Marqaritka ləqəbli dustaq və həyat yoldaşını öldürməkdə günahlandırılan yaşlı ziyalı Lassal cəza çəkir.

Divardakı boşalmış kərpicin arxasını yoxlayan dustaqlar köhnə bir əlyazma aşkar edirlər. Bu tapıntı təxminən bir əsr əvvəl həmin kamerada qalmış Danver adlı keçmiş məhbusun gündəliyidir. Qeydlərdə dustaqlara qaçış imkanı vəd edən sehrli ovsunlar yer alır, lakin qədim tilsimlərdən istifadə etməyə başladıqdan sonra kamerada qorxunc və müəmmalı hadisələr cərəyan edir.

Ekran əsərinin quruluşçu rejissoru Erik Valettdir. Baş rollarda Alen Buziqe, Felisiya Massoni, Dimitri Rato və Olivye Buana çəkiliblər. Fantastika, detektiv və dəhşət janrlarını birləşdirən film 2002-ci ildə Fransada istehsal olunub.