Dərilər

Cəmiyyət fərdləri çox vaxt onların xarici görkəminə görə qiymətləndirir və sosial münasibətləri bu meyarlar üzərində qurur. «Pieles» filmi hamıdan fərqlənən zahiri cizgilərinə görə kənarda qalan, tənha insanların həyatını ekrana gətirir.

Cəmiyyətdən təcrid olunmuş bu qəhrəmanlar ətrafla əlaqə qurmaq və ünsiyyətə girmək üçün ciddi çətinliklərlə qarşılaşırlar. Onlar gündəlik həyatda mövcud stereotiplərlə üzləşərək sosiallaşmağın yollarını axtarırlar.

2016-cı il istehsalı olan bu İspaniya filminin rejissoru Eduardo Kasanovadır. Əsas rollarda Xose Luis De Madaryaqa, Reme Qomes, İtsiar Kastro və Karolina Banq çəkiliblər.