Freaky

Psixiatriya xəstəxanasından qaçan Qəssab ləqəbli qatil dörd gənci öldürür. Cinayətkar növbəti gecə əlindəki qədim xəncərlə sakit məktəbli Milli adlı qıza hücum edir, lakin qız xilas ola bilir. Ertəsi gün isə hər ikisi gözlənilməz vəziyyətlə üzləşir: onların şüurları bir-birinin bədəninə keçir.

Artıq manyak gənc qız cildində rahat şəkildə məktəbə yollanır, qorxmuş Milli isə təhlükəli cinayətkarın bədənində qalır. Yeniyetmə qız polisə yaxalanmadan öz əsl cildinə qayıtmağın yolunu axtarmağa məcbur olur. Qatil isə yeni görünüşündən istifadə edərək ətrafdakılar üçün ciddi təhlükə yaratmaqda davam edir.

«Freaky» adlı qorxu və komediya filmi 2020-ci ildə ABŞ-da lentə alınıb. Layihənin rejissoru Kristofer Lendondur. Filmin əsas rollarında Alan Rak, Bruk Cey Teylor, Alontsa Uord və Deca Di çəkiliblər.