Orfey

Şöhrət qazanmış şair Orfey artıq əvvəlki həyatından və şan-şöhrətdən yorulub. Cəhənnəm Şahzadəsi ilə qarşılaşması onun gündəlik qayğılarını alt-üst edir. Bu qadın Orfeyə aşiq olur, onun xidmətçisi Ərtəbiz isə şairin həyat yoldaşı Evridikanı sevməyə başlayır.

Belə dolaşıq münasibətlər dördlüyü heç bir yaxşı sonluq vəd etmir. Özünə qadağan olunmuş hisslərə tab gətirə bilməyən Şahzadə Evridikanı Qaranlıq səltənətinə aparır. Həyat yoldaşını xilas etmək istəyən Orfey isə Ərtəbiz ilə birlikdə onların arxasınca yola düşür.

«Orphée» filmi 1950-ci ildə Fransada lentə alınıb. Rejissor Jan Koktonun ekranlaşdırdığı əsərdə baş rolları Jan Mare, Fransua Perye, Mariya Kazares və Mari Dea canlandırıb. Ekran əsəri «Orfik trilogiya» silsiləsinə daxildir.