Şəfaverici

Harmoni adlı gənc qız dünyaya qeyri-adi bir bacarıqla göz açıb: o, toxunuşu vasitəsilə başqa insanların qorxularını və ağrılarını özünə çəkə bilir. Lakin başqalarından götürdüyü bu əzablar yox olmur, onun daxilində toplanaraq dözülməz fiziki və mənəvi yükə çevrilir.

Yığılıb qalan mənfi enerjinin yaratdığı gərginlik getdikcə böyüyür. Bu dağıdıcı güclə mübarizə aparmaq və daxili tarazlığı bərpa etmək üçün Harmoniyə kainatın ən mühüm duyğusu olan həqiqi sevgi lazımdır.

Avstraliya istehsalı olan «Harmony» filmini rejissor Kori Pirson ərsəyə gətirib. 2018-ci ildə işıq üzü görmüş bu fentezi trillerində baş rolları Tessa Ceyms, Lyuis Fits-Cerald, Les Çenteri və Monika Seyers ifa ediblər.