Pis göz

Uşaq geyimləri dizayneri Kristin gözlənilməz hadisədən sonra ciddi sarsıntı keçirir. Hadisənin üstündən səkkiz ay keçsə də, çoxsaylı dərmanlar onun titrəmə, qıcolmalar, qorxulu görüntülər və yaddaş itkisi ilə müşayiət olunan vəziyyətini yüngülləşdirə bilmir. Qadın iş həyatına qayıtmaq üçün yollar axtarır.

Bir gün qapıda Filippindən olan Diana adlı xadimə peyda olur. Kristin yaddaşındakı problemlər üzündən onu işə götürdüyünü unutduğunu zənn edərək evə buraxır. Yeni köməkçi təsərrüfat işlərini səliqəyə salmaqla yanaşı, təbii müalicə üsullarından istifadə edərək bir neçə toxunuşla ev sahibəsinin ağrılarını aradan qaldırır.

«Pis göz» trilleri rejissor Lorkan Finneqan tərəfindən ekranlaşdırılıb. ABŞ, Böyük Britaniya, İrlandiya və Filippin birgə istehsalı olan bu film 2022-ci ildə işıq üzü görüb. Baş rolları Eva Qrin, Çay Fonase, Karla Martines və Raqs Reqalado canlandırıblar.