Geriçəkilmə

Psixoloq Piter Bauers qəbuluna gələn xəstələrlə bağlı dəhşətli bir həqiqəti öyrənir: onun pasiyentləri əslində iyirmi il əvvəl bədbəxt hadisə nəticəsində dünyasını dəyişmiş insanların ruhlarıdır. Bu qorxulu kabuslarla qarşılaşmaq həkimin gündəlik həyatını darmadağın edir.

Ağlını itirməkdən ehtiyat edən baş qəhrəman çıxış yolunu axtarmaq üçün böyüdüyü doğma şəhərə üz tutur. «Backtrack» filminin qəhrəmanı keçmişin qaranlıq sirlərini üzə çıxarır və yalnız özünün düzəldə biləcəyi acı reallıqla üz-üzə qalır.

Ekran əsərinin rejissoru Maykl Petronidir. 2014-cü ildə Böyük Britaniya, Avstraliya və BƏƏ tərəfindən birgə istehsal olunan bu trillerdə Robin Maklivi, Metyu Sanderlend və Cill Makkey kimi aktyorlar rol alıb.