Grimm

İşsiz ata bacı və qardaş olan Mari ilə Yakobu meşənin dərinliklərinə apararaq orada təkbaşına qoyur. Qrimm qardaşlarının klassik nağıl süjeti müasir dövrün reallıqlarına uyğunlaşdırılaraq təqdim olunur.

Meşədə çarəsiz qalan Yakob cibində İspaniyada yaşayan əmisinin ünvanını tapır. Doğma qohumun sorağı ilə cənuba doğru yola çıxan bacı-qardaşı bu səfərdə təhlükəli və gözlənilməz hadisələr gözləyir.

Niderland istehsalı olan «Grimm» filmi 2003-cü ildə rejissor Aleks van Varmerdam tərəfindən çəkilib. Ekran əsərində əsas rolları Laura Sepeda, Lola Peno, Karmelo Qomes və Kes Prins canlandırır.