Buynuzlar

Ağır bir səhər yuxudan oyanan adi amerikalı İq Perriş başında əsl buynuzların çıxdığını görür. Bu qəribə dəyişikliklə yanaşı, onda qeyri-adi bir təsir gücü də yaranır. İqin yanında olan insanlar daxillərində saxladıqları ən çirkin sirləri və düşündükləri həqiqətləri açıq şəkildə etiraf etməyə başlayırlar.

Heç bir sübut olmadan sevgilisinin qətlində günahlandırılan Perriş bu vəziyyətdən istifadə etmək qərarına gəlir. Ətrafdakıların gözlənilməz səmimiyyəti ona cinayətin arxasında əslində kimin dayandığını öyrənmək imkanı verir.

«Horns» filmi rejissor Aleksandr Aja tərəfindən çəkilib. 2013-cü ildə ABŞ və Kanadanın birgə istehsalı olan bu trillerdə Riz Aleksander, Don Tompson, Hizer Qrem və Din Rey kimi aktyorlar rol alıb.