Milyonçu

Memarlıq institutunu fərqlənmə diplomu ilə bitirən Kirill Makarovun qarşısında böyük imkanlar açılır. O, nüfuzlu bir şəxsin qızı Viktoriya ilə nişanlı olsa da, gələcək qayınatasının köməyindən imtina edir və baxışları uyğun gəlmədiyi üçün münasibəti bitirir. Həmin gün o, pedaqoji institutda oxuyan Lena adlı sadə bir qızla tanış olur.

On il sonra Kirill və Lena ailəli olsa da, dolanışıq çətinləşir və evin yükü arvadının maaşına qalır. Karyerasında uğur qazanmayan memar dostu Oleqin müsabiqə təklifindən də imtina edir, çünki tanışsız heç nəyə nail ola bilməyəcəyini düşünür. Vaxtilə zəngin nişanlısından ayrıldığına görə peşmanlıq çəkən baş qəhrəman qəfil keçmişə qayıtmaq və seçimini dəyişmək imkanı qazanır.

Ukrayna istehsalı olan «Milyonçu» filmi 2012-ci ildə rejissor Sergey Çekalov tərəfindən çəkilib. Melodram və fantaziya elementlərini birləşdirən ekran əsərində baş rolları Yaroslav Qureviç, Yuliya Qalkina, Konstantin Koretski və Sergey Kuçerenko ifa edir.