Gəncliksiz gənclik

Ömrünü həsr etdiyi elmi işini tamamlaya bilməyən yaşlı dilçi professor həyatına son qoymaq qərarına gəlir. Lakin intihar etməyi planlaşdırdığı gün gözlənilməz bir hadisə baş verir və onu ildırım vurur. Qəribə təsadüf nəticəsində alim sağ qalmaqla yanaşı, itirilmiş cavanlığına da yenidən qovuşur.

Bu qeyri-adi çevrilmə tezliklə nasistlərin diqqətini cəlb edir. Onlar baş verən hadisədən yeni insan irqi yaratmaq məqsədilə istifadə etməyə çalışırlar. Təqiblərdən qorunmaq istəyən professor adını dəyişməli və təcili şəkildə ölkədən qaçaraq gizlənməli olur.

Rejissor Frensis Ford Koppolanın çəkdiyi «Gəncliksiz gənclik» filmi 2007-ci ildə ekranlara çıxıb. ABŞ, Almaniya, Fransa, İtaliya və Rumıniyanın birgə istehsalı olan dramda baş rolları Dan Sandulesku, Roksana Quttman, Adriana Tityeni və Aleksandra Piriçi ifa ediblər.