Qanlı Qrafinya – Batori

Macar əsilzadəsi Yelizaveta Batorinin şəxsiyyəti ölümündən dörd əsrə yaxın vaxt keçməsinə baxmayaraq hələ də tarixçilərin diqqət mərkəzindədir. Ginnesin rekordlar kitabında tarixin ən amansız qatili kimi qeyd edilsə də, qrafinyanın həyat yolu və əməlləri haqqında fikirlər indiyədək kəskin şəkildə fərqlənir.

«Bathory» filmi bu nüfuzlu qadının taleyini həmin dövrün Macarıstanında cərəyan edən siyasi hadisələrin fonunda təqdim edir. Hekayə qüdrətli əsilzadə nəsillərinin hakimiyyət uğrunda gizli mübarizələrini və Batorinin bu çəkişmələrin mərkəzindəki rolunu əks etdirir.

Tarixi və bioqrafik elementləri birləşdirən bu dram əsərinin rejissoru Yuray Yakubiskodur. Böyük Britaniya, Fransa, Çexiya, Macarıstan və Slovakiya tərəfindən 2008-ci ildə çəkilən kinolentin əsas rollarında Zuzana Frenqlova, Marek Mayeski, Mixaella Drotarova və Hana Vaqnerova çəkiliblər.