Ragewar

Proqramçı Pol Bredford və onun sevgilisi Qven adi dünyadan kənara çıxaraq qaranlıq bir məkana düşürlər. Bu yerə nəzarət edən qəddar cadugər Mestima Polu özünə yeganə layiqli rəqib hesab edir. Şər qüvvə gəncləri amansız sınaqlar qarşısında qoyur.

Həyatda qalmaq və Qveni xilas etmək istəyən Pol fərqli aləmləri gəzməli olur. Hər addımda o, qeyri-adi gücə malik amansız varlıqlarla döyüşmək məcburiyyətində qalır. Canavarlarla üz-üzə gələn baş qəhrəman bu təhlükəli səyahətdən çıxış yolu axtarır.

Fentezi, dəhşət və elmi-fantastika janrlarını birləşdirən «Ragewar» filmi 1984-cü ildə ABŞ-da lentə alınıb. Layihənin rejissorluğunu Çarlz Bend və Maykl Karp həyata keçirib. Əsas rollarda Ceffri Bayron, Deniel Dion, Rendi Poppluell və R.C. Miller çəkiliblər.