İtkin düşmüş koloniya

1587-ci ilin yayında yüzdən çox avropalı dəniz səyahətini başa vuraraq Roank adasına qədəm qoyur. Yeni qitədə ilk britaniyalı məskənini salmaq istəyən insanlar evlər ucaldır, torpaq sahələrini əkib-becərməyə başlayırlar. Lakin bu yad torpaqlarda onları heç də dinc həyat gözləmir.

Bir müddət sonra adada yaşayan bütün sakinlər — qadınlar, kişilər və uşaqlar geridə heç bir iz qoymadan yoxa çıxırlar. Heç kim bu qəfil itkinin arxasındakı sirri aça bilmir. «Wraiths of Roanoke» filmi həmin tarixi hadisəyə mistik və qorxulu bir baxış təqdim edir.

ABŞ və Bolqarıstanın birgə istehsalı olan bu ekran əsəri 2007-ci ildə işıq üzü görüb. Ekran işinin rejissoru Mett Kodd-dur. Baş rollarda Syuzett Kolaqa, Maykl Tex, Mari Maskaro və Velislav Pavlov çəkiliblər.