Parlaqlıq

Los-Anceles şəhərində insanlar orklar, elflər və kentavrlarla birgə yaşayır. Elflər digərlərindən uzaq duraraq xüsusi buraxılış sistemi olan qapalı məhəllələrdə məskunlaşır, orklar isə adətən cinayətkarlığın çox olduğu yerlərdə qalırlar. Polis əməkdaşı Deril Uord ilk ork həmkarı olan Ceykobi ilə patrul xidməti aparır. Deril vaxtilə onun ləngliyi ucbatından güllə yarası aldığı üçün yoldaşına etibar etməkdə çətinlik çəkir.

Növbəti çağırış onların həyatını tamamilə dəyişir. Hadisə yerinə gələn polislər bir neçə meyit, sehr izləri, sağ qalmış bir elf qızı və qəribə bir artefakt tapırlar. Bu tapıntıdan sonra bütün şəhər onların izinə düşür və tərəfdaşlar xilas olmaq üçün aralarındakı münasibəti yenidən nəzərdən keçirməli olurlar.

«Parlaqlıq» (Bright) filmi Devid Eyr tərəfindən ekranlaşdırılıb. 2017-ci il istehsalı olan bu fantastik döyüş trillerində rolları Doun Oliveri, Aleks Meraz, Veronika Nqo və Blu Meskita canlandırıb.