İndi səninlə görüşməyə gəlirəm

Həyat yoldaşı Su-anın vəfatından sonra U-cin azyaşlı oğlu ilə tək qalır. Dünyasını dəyişməzdən əvvəl ana övladı üçün xüsusi kitabça hazırlayaraq yağışlı günlərin birində geri dönəcəyini vəd etmişdi. Balaca oğul anasının bu sözlərinə ürəkdən inanır və onun yolunu səbirlə gözləyir.

Aradan bir il keçdikdən sonra ata və oğul qarşılarına çıxan qadını görəndə heyrətə gəlirlər, çünki o, Su-aya zahirən tamamilə bənzəyir. Lakin bu qadın heç nəyi xatırlamır, keçmişindən və bu ailə ilə bağlarından tam xəbərsizdir. Doğmalarını yenidən qarşılarında görən ata ilə oğul yaddaşını itirmiş bu insanla münasibətləri sıfırdan qurmalı olurlar.

Cənubi Koreya istehsalı olan «Be With You» filmi rejissor Li Can-hun tərəfindən 2018-ci ildə ekranlaşdırılıb. Melodram və fentezi janrlarında çəkilən filmin baş rollarını So Ci-sop, Son Ye-cin, Kim Ci-hvan və Qo Çhan-sok canlandırıb.