How High

Nəşə aludəçisi olan iki qeyri-adi dost gözlənilmədən ABŞ-nin ən nüfuzlu təhsil ocaqlarından sayılan Harvard Universitetinə qəbul olunurlar. Onların kobud rəftarı və qəribə vərdişləri bu ali məktəbə daxil olmalarına heç cür mane olmur.

Tələbə adını qazanan qəhrəmanlar köhnə vərdişlərindən əl çəkmirlər. Çox keçmədən onlar həm universitet yoldaşlarını, həm də müəllim heyətini ot çəkməyə cəlb edərək kampusdakı bütün sakitliyi alt-üst edirlər.

Fantaziya elementləri olan «How High» komediya filmi 2001-ci ildə ABŞ-də ekranlaşdırılıb. Ekran işinin rejissoru Cessi Dilandır, əsas rolları isə Method Man, Erik Bobo Korrea, Çak Dizi və Larri Birkhed canlandırıb.