Qız cildində oğlan

Qonşuluqda yaşayan bir gənc və bir qız bir-birinə tamamilə zidd xarakterlərə malikdirlər və bir-birinə nifrət edirlər. Onların arasındakı amansız düşmənçilik uzun müddətdir davam edir. Lakin bir səhər yuxudan oyanarkən hər ikisi özlərini bir-birinin bədənində tapırlar.

Bu gözlənilməz vəziyyətlə qarşılaşan qəhrəmanlar əvvəlcə bir-birinin nüfuzuna xələl gətirməyə və həyatını məhv etməyə çalışırlar. Zaman keçdikcə intiqam almağın faydasız olduğunu anlayır və öz aralarında razılığa gəlirlər. Birlikdə hərəkət etmək qərarı verən tərəflər gözlənilmədən böyük uğurlar qazanırlar.

Rejissor Nik Harranın çəkdiyi «It's a Boy Girl Thing» filmi ABŞ, Böyük Britaniya və Kanada istehsalıdır. 2006-cı ildə təqdim olunan bu romantik və fantastik komediyada baş rolları Libbi Adams, Maykl Lazaroviç, Aleks Nussbaum və İvan Qilkrist canlandırıb.