Ağaclar dənizi

Artur adlı amerikalı Fuji dağının ətəyində yerləşən və intiharlar məkanı kimi tanınan meşəyə gəlir. Həyatına son qoymaq istəyən qəhrəman son addımı atmağa hazırlaşarkən, burada itkin düşmüş yerli yaponla rastlaşır. Həmin şəxs də öz canına qıymağa çalışmış, lakin sonradan fikrindən daşınaraq yolu itirmişdir.

Sıx ağaclıqdan çıxmaq bura daxil olmaqdan qat-qat çətin məsələyə çevrilir. Artıq həyatdan deyil, bu təhlükəli məkandan qurtulmağı hədəfləyən iki nəfər dərin daxili düşüncələrlə dolu çətin bir axtarış yoluna qədəm qoyur.

ABŞ istehsalı olan «The Sea of Trees» filmi 2015-ci ildə rejissor Qas Van Sent tərəfindən çəkilib. Dram, triller və detektiv janrlarını birləşdirən ekran əsərində Yusuke Tozava, İkuma Ando, Rozmari Hovard və Ai Yoşihara kimi aktyorlar rol alıb.