Mənim canavar qonşum

Sevgilisindən ayrılan və arzuladığı işini itirən Lora həyatının ən çətin dövrlərindən birini yaşayır. Ruh düşkünlüyü içində evinə qayıdan gənc qadın orada gözlənilməz bir mənzərə ilə üzləşir: onun otağında qəribə, cəsarətli və eyni zamanda cazibədar bir bədheybət məskən salıb.

Çağırılmamış qonaq mənzili dərhal tərk etmək fikrində deyil və Loraya qeyri-adi bir razılaşma təklif edir. Bədheybət söz verir ki, əgər Lora iki həftə ərzində toparlanıb yenidən həyatdan zövq almağı bacarsa, o çıxıb gedəcək. Lakin evin içində bir canavar yaşayarkən xoşbəxtliyi yenidən tapmaq heç də asan deyil.

«Mənim canavar qonşum» (Your Monster) fantaziya və melodram elementlərinə malik komediya filmini Kerolayn Lindi çəkib. ABŞ və Böyük Britaniya istehsalı olan 2024-cü il ekran işində baş rolları Meqan Feyhi, Deniel Lezor, Keti Qrinfel və Sophie Silnicki canlandırıblar.