Qaranlıq kölgələr

Kollinvud mülkünün zəngin və nüfuzlu sahibi Barnabas Kollins qadınların qəlbini ovlamağı sevirdi. Lakin o, Anjelika Boşarın hissləri ilə oynamaqla həyatının ən böyük səhvini edir. Əsl cadugər olan bu qadın sevgisinə xəyanət edən zadəganı vampirə çevirir və onu diri-diri qəbirdə basdırır.

İki yüz il keçdikdən sonra məzar təsadüfən açılır və Barnabas tamamilə dəyişmiş 1972-ci ilin dünyasına qədəm qoyur. Doğma malikanəsinə qayıtdıqda əzəmətli binanın xarabalığa çevrildiyini görür. Kollins ailəsinin yeni nəsli də qəsrdən yaxşı vəziyyətdə deyil və onların hər birinin gizlətdiyi şəxsi sirləri var.

«Qaranlıq kölgələr» fantaziya və komediya filminin rejissoru Tim Börtondur. ABŞ, Böyük Britaniya və Avstraliyanın birgə istehsalı olan bu ekran əsəri 2012-ci ildə nümayiş olunub. Əsas rolları Ceki Erl Heyli, Riçard Hollis, Hanna Mürrey və Bella Hitkot canlandırırlar.