Mama

Meşənin dərinliyində yerləşən tərk edilmiş daxmada iki azyaşlı qız tapılır. Heç bir böyüyün nəzarəti olmadan uşaqlar bu kimsəsiz yerdə düz beş il sağ qalmağı bacarıblar. Onların yeganə sağ qalan qohumları olan gənc cütlük kimsəsiz bacıları öz himayəsinə götürür.

Yeni evə köçdükdən sonra uşaqların davranışlarında qorxulu hallar özünü büruzə verir. Məlum olur ki, qızlar meşədə tək olmayıblar. Onların arxasınca qaranlıqdan gələn və uşaqların «ana» adlandırdığı sirli bir varlıq gəlir.

İspaniya və Kanada istehsalı olan «Mama» adlı qorxu filmi 2013-cü ildə işıq üzü görüb. Ekran əsərinin quruluşçu rejissoru Andres Musketti, baş rol ifaçıları isə Cessika Çesteyn, Meqan Çarpentye, Dayan Qordon və Pamela Farruatodur.