İlk Milad

Dini dəyərlərə inanmayan Salvo kilsə əşyalarını oğurlamaqla dolanır və ateist baxışları ilə seçilir. Digər tərəfdə isə öz həyatını ibadətə həsr etmiş dindar keşiş Valentino dayanır. Bayram ərəfəsində bu iki tamamilə fərqli insanın yolu kəsişir və qəfil hadisə onları əsrlər öncəyə, qədim Fələstin torpaqlarına aparır.

İsa peyğəmbərin doğulmasından bir neçə gün əvvəlki dövrə düşən qəhrəmanlar gözlənilməz çətinliklərlə üzləşirlər. Çar İrodun yaratdığı təhlükə ilə qarşılaşan Salvo və Valentino körpə İsanı qorumaq üçün həyatlarını təhlükəyə ataraq birlikdə hərəkət etmək məcburiyyətində qalırlar.

2019-cu il istehsalı olan «Il primo natale» italyan macəra komediyası Salvo Ficarra və Valentino Picone tərəfindən çəkilib. Filmdə əsas rolları rejissorların özləri ilə yanaşı Alice Generali, Elaoud Ahmad, Fatimzahra Allaoui və Mohamed Baou ifa ediblər.