Mumiya: Misir şahzadəsi

Əsrlər öncə firon Amenxotep qızını Talas adlı əcnəbiyə ərə verir. Tezliklə Misirin yeni şahzadəsinin qəddar bir qara cadugər olduğu üzə çıxır. Hökmdarın əmri ilə Talas edam edilir və onun məqbərəsi əbədi lənətlə möhürlənir, lakin planetlərin paradı zamanı sərdabə açılarsa, o, yenidən dirilə bilər.

Artıq XX əsrdə arxeoloqlar həmin qədim məzarı tapır və şahzadənin sarkofaqını Britaniya muzeyinə aparırlar. Planetlərin düzülüşü yaxınlaşdıqca mumiyalanmış cadugər oyanır və daxili orqanları toplamaq üçün insanları amansızlıqla öldürməyə başlayır. Canavarın tam reinkarnasiyasına mane olmaq və qətllərin qarşısını almaq missiyası isə arxeoloq Samanta ilə detektiv Raylinin üzərinə düşür.

«Tale of the Mummy» («Mumiya: Misir şahzadəsi») filmi 1998-ci ildə ekranlara çıxıb. Qorxu və macəra janrında olan bu ekran işini rejissor Rassel Malkey lentə alıb. ABŞ, Böyük Britaniya, Almaniya və Lüksemburqun birgə istehsalı olan layihədə Cerard Batler, Maykl Lerner, Şon Pertui və Edvard Tudor-Poul əsas rolları ifa edirlər.