Orkların başçısı

İnsanların döyüşkən orklarla ittifaq qurmaq cəhdləri boşa çıxır, çünki qarşı tərəf insanları zəif sayaraq yalnız kobud gücə üstünlük verir. Bu qarşıdurma ölkəyə qaranlıq dövrlər gətirir və ətraf ərazilərdə qaniçən vəhşilərin sayı sürətlə artır. Belə bir vaxtda bir qrup mühafizəçi krala mühüm xəbər aparan xüsusi cadugəri qorumaq üçün təhlükəli meşəyə daxil olur.

Səfər boyu döyüşçülər saysız-hesabsız maneələrlə və vəhşilərin qəfil hücumları ilə üzləşirlər. Dəstə meşəni bürüyən şər qüvvələrlə vuruşaraq yoluna davam etməyə çalışır. Bu çətin yürüşün ən böyük sınağı isə qüdrətli ork rəhbəri ilə qaçılmaz qarşılaşma olur.

Böyük Britaniya istehsalı olan «Warchief» macəra və döyüş filmi 2024-cü ildə təqdim edilib. Ekran əsərinin rejissoru Stüart Brennandır. Baş rollarda Eddi P Meyson, Rozanna Maylz, Toni Kuk və Mark Pol Ueyk çəkiliblər.