Damsel

Şahzadə Elodinin doğma torpaqları quraqlıq və aclıq səbəbindən ağır günlər keçirir. Xalqını bu çətin vəziyyətdən xilas etmək istəyən gənc qız varlı bir krallığın şahzadəsi ilə evlənməyə razılıq verir. Həyat yoldaşı olacaq oğlan onun xoşuna gəlir və bu nikah hər kəs üçün ən doğru çıxış yolu kimi görünür.

Lakin toy mərasiminin arxasında dəhşətli bir niyyət gizlənir. Yeni qohumlar Elodini saray xanımı etmək fikrində deyillər; o, qədim bir ayin naminə əjdahaya qurban verilməlidir. Dərin mağarada canavarla üz-üzə qalan şahzadə sağ qalmaq üçün mübarizə aparmağa məcbur olur.

2024-cü ildə ABŞ-da istehsal olunmuş «Damsel» fentezi döyüş filminin rejissoru Xuan Karlos Fresnadilyodur. Əsas obrazları Margarita Ren, Eloiz Şepard Teylor, Edvard Terri və Marek J Antoşevski canlandırıblar.