İblislər hökmdarı

Min il əvvəl baş verən böyük döyüşdə məğlub olan iblislər hökmdarı Bai Tzenin ruhu Yaşıl Simurq güzgüsünün qırıntılarına həbs edilmişdi. Vaxt keçdikcə möhür zəifləyir və səma səltənətini yenidən qaranlıq qüvvələrin oyanışı təhdid edir. Müəllimi gənc tələbəsi Mu Qinə həmin parçaları tapıb fəlakətin qarşısını almaq tapşırığı verir.

İblislər aləminə yollanan Mu Qin burada hər tərəfə səpələnmiş sehrli güzgü qalıqlarını axtarmağa başlayır. Qəhrəman bu yad məkanda Çao Yan adlı pişik-iblis ilə qarşılaşır. Çao Yan onun bələdçisinə çevrilərək təhlükələrlə dolu bu yolda gəncə yoldaşlıq edir.

2024-cü il Çin istehsalı olan «İblislər hökmdarı» (Yao Shen Ling) filmi dram, romantika və fentezi janrlarını birləşdirir. Ekran əsərində əsas rolları Liu Zi Rui və Cheng Jin Ming canlandırıblar.