1 saniyə irəlidə, 1 saniyə geridə

Poçt işçisi Hacime ətrafındakı insanlardan fərqli bir tempdə yaşayır. O, hər addımda dünyanı düz bir saniyə qabaqlayır, bu da onun daima tələsməsinə və münasibətlərində uğursuzluq yaşamasına səbəb olur. Günlərin birində küçə müğənnisi Sakurako ilə tanış olub ona aşiq olur və görüş təyin edir.

Lakin səhəri gün yuxudan oyanan Hacime həmin görüşü və bütöv bir günü xatırlamadığını fərq edir. Hadisənin sirrini araşdırarkən o, utancaq gənc qız Reykanın izinə düşür. Məlum olur ki, Reyka əksinə, zamanın axarından düz bir saniyə geri qalır.

Fantaziya, komediya və melodram janrlarını birləşdirən «1 saniyə irəlidə, 1 saniyə geridə» adlı Yaponiya filmi 2023-cü ildə ekranlara çıxıb. Ekran əsərinin quruluşçu rejissoru Nobuhiro Yamaşitadır. Əsas obrazları Masaki Okada, Kaya Kiyohara, Daiti Asai və Rion Fukumuro canlandırıb.