Miçiqan gölünün bədheybəti

Qəribə xasiyyətli kapitan Sifild atasının qisasını almaq üçün xüsusi dəstə toplamağa qərar verir. Hədəf isə valideynini parçalayan dəhşətli su canlısını tapıb məhv etməkdir. Bu məqsədlə o, hidroakustika üzrə mütəxəssis qadını, silah ustasını və keçmiş dənizçini ətrafına yığır.

Sifild göldəki məxluqu tələyə salmaq üçün ard-arda qəribə və məntiqsiz planlar qurur. Tərtib olunan hiyləgər üsullar getdikcə daha gülünc və gözlənilməz forma alır. Qrup üzvləri kapitanın təklif etdiyi ağlasığmaz planları icra etməyə çalışır.

ABŞ istehsalı olan «Lake Michigan Monster» fentezi-komediya filmi 2018-ci ildə işıq üzü görüb. Ekran əsərinin rejissoru və baş rol ifaçısı Rayland Brikson Koul Tyuzdur, digər rolları isə Erik Uest, Bela Piters və Daniel Lonq canlandırıblar.