Mənim xoşbəxt nikahım

Alternativ Meyci dövrü Yaponiyasında zadəgan nəsillər fövqəltəbii bacarıqlara malikdirlər. Belə ailələrin birində dünyaya göz açan Miyo Saymori heç bir sehirli istedada sahib olmur. Anasının vəfatından sonra ögey ana və bacısının amansız rəftarı ilə üzləşən gənc qız doğma evində xidmətçi kimi yaşamağa məcbur qalır. Nəhayət, atası ondan yaxa qurtarmaq üçün Miyoyu hərbçi Kiyoka Kudo ilə evləndirmək qərarına gəlir.

Gələcək ər haqqında gəzən şayiələr heç də ürəkaçan deyil: hamı onun daşürəkli və sərt biri olduğunu, əvvəlki nişanlılarının isə qorxudan qaçdığını danışır. Öz taleyi ilə barışan və yeni əzablara hazırlaşan Miyo onun malikanəsinə köçür. Lakin zaman keçdikcə gənc qız zabitin əslində deyildiyi qədər amansız olmadığını kəşf edir.

«Mənim xoşbəxt nikahım» filmi 2023-cü ildə Yaponiyada istehsal olunub. Fentezi və dram elementlərini birləşdirən ekran əsərinin rejissoru Ayuko Tsukaharadır. Baş qəhrəmanları Mio İmada və Ren Mequro canlandırıblar.