Konstantin: Qaranlıqlar hökmdarı

Con anadangəlmə qeyri-adi bir qabiliyyətə sahibdir: o, insan cildinə girmiş mələk və iblisləri asanlıqla tanıya bilir. Bu dözülməz görüntülərdən yaxa qurtarmaq istəyən gənc vaxtilə öz həyatına qəsd etsə də, tam ölə bilməyib. Cəhənnəmi öz gözləri ilə gördükdən sonra öz iradəsinə zidd olaraq yenidən dirildilib və dirilərin dünyasına qaytarılıb.

Müvəqqəti ömür qazanan qəhrəman indi Cənnət və Cəhənnəm arasındakı sərhədi qorumaq məcburiyyətindədir. O, keçmişdəki günahını yumaq və qurtuluş tapmaq ümidi ilə Yer üzünə sızan şər qüvvələrinə qarşı fasiləsiz mübarizə aparır. Əbədi cəzadan qaçmağa çalışan Con qarşısına çıxan hər bir bədheybətlə amansız savaşa girir.

«Konstantin: Qaranlıqlar hökmdarı» filmi rejissor Frensis Lourens tərəfindən 2005-ci ildə ekranlaşdırılıb. ABŞ və Almaniya istehsalı olan bu layihədə baş rolları Kianu Rivz, Reyçel Vays, Şaya LaBaf və Cimon Honsu canlandırıb.