Mənim şıltaq imperatriçam

Lin Yanyan tarixi bir videooyunun virtual məkanında tələyə düşür. Qızın köməyinə çatmağa çalışan dostları da onun ardınca həmin oyun aləminə daxil olurlar. Buradan xilas olmağın yeganə şərti isə ayrılmış vaxt başa çatana qədər Lin Yanyanın imperatriça taxtına yiyələnməsidir.

Məqsədə çatmaq heç də asan olmur, çünki dövlətin virtual hökmdarı Qi Hao gerçək həyatda qızın nifrət etdiyi köhnə düşməninə bənzəyir. Lin Yanyan dostları ilə birlikdə xilas olmaq üçün bu hökmdarla münasibət qurmaq və tapşırığı vaxtında tamamlamaq məcburiyyətində qalır.

2022-ci ildə Çində çəkilmiş «My Queen of Capricious» filmi tarixi, fentezi və romantika janrlarını birləşdirir. Ekran əsərinin baş rollarında Ke Ying və Ryan Cheng çıxış edir.